Umaapela si ACT-CIS Party-list Representative Jocelyn Tulfo sa Department of Education (DepEd) na palawigin pa ang enrollment hanggang sa ika-15 ng Hulyo.
Ito ay matapos na bumaba sa 15-milyon ang mga estudyante na nakapag-enroll hanggang nitong ika-27 ng Hunyo.
Ayon sa mambabatas, malayo ito kung ikukumpara sa dami ng estudyante na nag-enroll noong nakaraang taon kung saan aabot sa mahigit 27-milyon.
Dahil dito, ikinabahala ng kongresista ang pagtatapos ng enrollment ngayong araw maraming mga estudyante ang mapag-iiwanan at mahihinto sa pag-aaral.
Nananawagan ngayon ang kongresista sa Department of Finace (DOF) at Department of Budget and Management (DBM) na i-prayoridad ang pagpopondo sa DepEd, Commission on Higher Education at Technical Education and Skills Development Authority.