Pagpapadala ng Pinoy workers sa Kuwait ipinarereview

Umapela sa gobyerno si OFW advocate Susan Ople na ipa-review ang pagpapadala ng mga manggagawang Pinoy sa bansang Kuwait.

Ito’y kasunod ng insidente ng panggagahasa sa Pinay OFW ng isang airport secruty sa naturang bansa.

Ayon kay Ople, dapat ay ipakita ng gobyerno ang pagkondena nito at pangangalampag dahil sa kawalan ng aksyon ng Kuwait sakaling di umusad ang kaso.

Kasabay nito, nagpaabot si Ople ng kahandaan sa pagtulong sa pamilya ng OFW sa Pilipinas habang ipinaglalaban ang kaso sa Kuwait.