Padayon gihapong nagpahigayon sa pagpang-rehistro ang Philippine Statistics Authority (PSA) alang sa Philippine Identification System or National ID dinha sa Ground Floor, Museo Dipolog, ning siyudad.
Sigun sa dugang inpormasyon nga ang nasangpit nga pagpang-rehistro ang ipahigayon “by barangay” sigun sa gihan-ay nga talamdan sa nasangpit nga ahensiya.
Sigun sa talamdan, kini ang mga mosunod nga mga tulumanon kon schedule:
BARANGAY SCHEDULE
- COGON September 3 – 4 October 25 – 27
- PUNTA September 6 – 8 October 28 – 30
- OLINGAN September 9 – 11 November 3 – 5
- GALAS September 13 – 15 November 6, 8, 9
- STA. FILOMENA September 16 – 18 November 10 – 12
- STA. ISABEL September 20 – 22 November 13, 15, 16
- GULAYON September 23 – 25 November 17 – 19
- TURNO September 27 – 29 November 20, 22, 23
- SICAYAB Sept. 30, Oct. 1, 2 November 24 – 26
- MINAOG October 4 – 6 November 27, 29, 30
- BARRA October 7 – 9 December 1 – 3
- BIASONG October 11 – 13 December 4, 6, 7
- MIPUTAK October 14 – 16 December 8 – 10
- ESTAKA October 18 – 20 December 11, 13, 14
- CENTRAL October 21 – 23 December 15 – 17
Kining maong kalamboan ang nasayran gikan ni Mr. Moriancumer A. Cabasag, ang Registration Center Supervisor ning maong kalihokan.
Dugang usab nga gipaklaro sa PSA nga kining maong schedule nga nagsugod sa bulan sa September ning tuiga mao’y alang lamang sa mga “Walk-in Registrants”, uban sa pagpahibalo usab nga kini ang modawat lamang og 90 ka mga aplikante alang sa “Non-Step Assisted Barangay. Kining nasangpit nga pagpang-rehistro ang bukas alang sa nag-edad gikan 5 anyos, pataas.
Subay niini, padayon karong nagadapit ang PSA ngadto sa buot moparehistro alang sa National ID sa pagbisita lang sa ilang mga matag barangay alang sa dugang inpormasyon kalabot niini.
(Source: DIPOLOG CITY GOVERNMENT Facebook page)