- Advertisement -
General Santos City – Aron kapugngan o mapa-ubos ang pagkatag sa HIV/AIDS ning s’yudad sa General Santos gimando karon sa Konseho ning dakbayan sa GenSan ngadto sa City Health Office (CHO), DepEd Gensan ug City Social Welfare and Development Office (CSWDO) nga mohimo sila’g hugtanon nga pagpatuman sa HIV/AIDS Awareness program.
Kini alang gayud ngadto sa Senior High School students, College Students ug Out-of-School Youth (OSY) sa dakbayan.
Kana ang unod sa Sangguniang Panlungsod (SP) Proposed Ordinance No. 2023- 02074 nga gituyo gayud pagmugna alang sa nasampit nga katuyo-an.
Kini human namatikdan subay sa taho sa Department of Health nga daghan karong mga kabatan-onan mapa-estudiyante man o dili nga nataptan og HIV/AIDS. (Fred Degala)
- Advertisement -
