Hunyo 11, 2020, nagtala ang Department of Education og 72,583 ka mga magtutungha nga nakapa-enrol sa GenSan sulod sa 2 ka semana. Kapin 3,000 sa maong ihap gikan private school.
Kalipay ang gibati ni SDS Romelito Flores sa DepEd Gensan sa kasamtangang turn out sa mga nagpa-enrol alang sa school year 2020-2021 kung diin anaa na matod pa sa 40.77% ang kasamtangang tala gikan sa total nga kapin 148 ka libo.
Sa pagpasabot ni Flores, sa unang 2 ka semana, ipatuman sa DepEd ang remote enrolment kung diin mamahimong mutawag ang mga kanhing adviser sa mga magtutungha sa mga ginikanan o vice versa pinaagi sa pagpanawag o online aron ipa-enrol ang mga bata; samtang sa ikatulong semana, mamahimo nang muadto ang mga ginikanan sa mga tulunghaan aron magpa-enrol.
Gikumpirma usab ni Flores nga gabuhat ang DepEd Gensan og mga drop box nga mamahimung hulugan sa mga survey and enrolment forms sa mga bata nga mutungha nga ipang montar sa mga kumunidad sa syudad gawas pa niini ang enrolment booth sa mga mall nga butangan nila sa mga nasampit nga mga form.