Radio Philippines Network
DXKD Dipolog News Provincial News

[UPDATE] Dipolog City, Mitala Sa 2nd Confirmed Covid-19 Active Case

Usa ka 23 anyos nga locally stranded individual (LSI) gikan Carreta, Cebu ang Patient 002 sa Dakbayan sa Dipolog diin miabot kini sakay sa Medallion Shipping kaniadtong Hunyo 6, 2020. Nga unta mobyahe pa padulong Zamboanga City human ang iyang 14-day quarantine.

Matud pa, nga sa pagdunggo niini, hinatud kini sa usa ka Covid Ambulance gikan Galas Port, Dipolog, padulong na sa ilang pinuy-anan sa Brgy. Sta. Isabel nga gikatahong didto usab gapuyo ang igsuon niini lakip ang mga pag-umangkon ni Patient 002.

Diser pa kini nakabyahe gikan sa ka-Bisay-an, niluwatan kini ug Medical Certificate sa City Health Department sa Dakbayan sa Sugbo nga pinetsahan kaniadtong Hunyo 2, 2020 nga gapamatuod nga nahuman niini ang 14-day home quarantine kaniadtong Mayo 15 ngadto 29, 2020.

Apan, sa hinapos sa quarantine days niini, mitambong gilayon ug despedida party sa 2 ka-officemates nga Covid positive usab.

Human sa duha kaadlaw gikan kini miabot sa dakbayan, nakitaan kini ug sintomas ug gidala sa Corazon C. Aquino Hosspital sa dakbayan ug miagi sa RT-PCR (swabbing) sunod nga adlaw ug miresulta kining positibo sa Covid-19 kagahapong adlawa, Hunyo 13, 2020.

Napahigayon na ang contact tracing ug anaa na sa isolation facility sa Olingan Sports Complex ang close contact niini, samtang si Patient 001 gapaalim pa sa tambalanan nga walay higala o pamilyang gitugutang moduaw kaniya.

Nanawagan ang Kagamhanang Lokal sa Dakbayan sa Dipolog sa katawhan nga mosubay lamang gayud sa mga protocol ug kamanduhan sa IATF aron malikayan ang pagkatap sa maong makalilisang nga sakit niining syudad.

UPDATE:

Miluwat ug statement ang Chairman sa Brgy. Sta. Isabel nga i-cordon lamang ang compound sa pinuy-anan sa Patient 001 ug dili magpatuman ug barangay lockdown.

Related posts

Report On Accidental Death Due To Fallen Branch Of Tree At Brgy. Goleo, Sindangan, Zamboanga Del Norte

RPN

Girespondehan Mismo Ni Governor Kaka Bag-Ao Ang Nahitabong Sunog Sa P-5 Bongbong, Brgy. Cuarinta, San Jose

RPN

DATU BAGO Awardees Gitakdang Pasidunggan Karong Marso 8

RPN

This website uses cookies to improve your experience. We'll assume you're ok with this, but you can opt-out if you wish. Accept Read More