Valencia, Bukidnon – GI-IMBESTIHAN sa kapulisan sa Valencia City, Bukidnon ang kamatayon sa usa ka 45 anyis nga babaye nga taga Motorpool, Relocation, Bagontaas, Valencia City, Bukidnon.
Kini human napalgan nga hubo nga nagbuy-od sa kasagingan ug dunay hikot sa liog sa Sitio Mahayahay, Purok 13, Brgy. Concepcion, Valencia City, Bukidnon.
Giingong wala’y laing samad nga nakita ang kapulisan sa lawas sa biktima rason nga gisugyot niini sa pamilya nga ipa-ubos sa autopsy ang namatay.
Hisayran nga katapusan kining nakit-an ang biktima niadtong Oktubre 6 sa hapun ug maoy gituohan sa iyang anak nga gituyo nga gihiktan ang liog ug gihubuon og sapot ang iyang inahon arung maingun kini nga nagkutlo sa kinabuhi o kaha gilugos.