Pagkakapatay ng 3 taong gulang sa anti drugs ops umani ng pagkundena

Umani ng pagkundena ang pagkakapatay ng pulisya sa tatlong taong gulang na bata sa kanilang anti drugs operations sa Rizal.

Sa inilabas na dispatch ng HRW o Human Rights Watch, kinilala ang biktima na si Myka Ulpina.

Ama ni Myka na si Renato Dolofrina ang di umano’y target ng police operation subalit ayon sa pulisya ay ginamit nitong panangga ang tatlong taong gulang na anak.

Gayunman, hindi kinagat ng HRW ang paliwanag ng pulisya dahil marami na umanong pagkakataon na namemeke at nagtatanim ng ebidensya ang ilang operatiba ng pulisya.