Giawhag sa MOD o Market Operations Division sa dakbayan sa Sugbo ang mga manindahay nga ihunong ang paghugop sa buhatan sa Comelec o Commission on Elections sa duha ka distrito sa siyudad aron pagkuhag voter’s certificate.
Ang maong certificate usa unta sa requirements sa MOD sa matag vendor para ma-renew ang ilang permit ug stall lease.
Apan labing minos usa ka gatos ka manindahay ang mihugop sa buhatan sa Comelec saNorth ug South District gahapon nga nakalapas na sa social distancing rule hinungdang gibadlong sa mga polis.
Tungod niini, gipahibawo sa duha ka opisina nga ibalik nila pagpatuman ang ‘online appointment system’ aron kalikayan ang pagdasok sa mga tawo.
Ang ubang vendors miingon nga nagkinahanglan sila sa voter’s certificate aron maka-avail sa tag-P5 mil nga cash subsidy gikan sa kagamhanang local.
Apan gitataw ni Irvin Cabales, pangu sa MOD, nga wa na kinahanglana ang voter’s certificate tungod kay gihatagan na sila sa Comelec og listahan sa mga botante.
Subay niini, mahimo nang molargo sa buhatan sa MOD ang mga market vendors samtang ang mga ambulant vendors sa opisina sa Probe o Prevention, Restoration, Order, Beautification, & Enhancement aron marehistro. l via Jhon Tadlip/JTY
Source: Market Operations Division-Cebu City
Photo: Contributed Photo
