Kasamtangan una nga gi-undang sa Bureau of Fisheries and Aquatic Resources (BFAR) Regional Office Eleven dinhi sa dakbayan sa Davao ang pag-pagula ug Local Transport Permit (LTP). Gisugdan ang suspension niadtong lunes, Hulyo 19 ug mulungtad hangtud sa Hulyo 23.
ANG LTP maoy permit nga gina-isyu sa BFAR alang sa domestic movement o paghatag pagtugot sa usa ka indibidwal nga magdala, ibiyahe ang usa ka aquatic wildlife, by‐products o derivatives gikan sa legal sources gikan sa point of origin padulong ngadto final destination dinhi sa nasud.
Sa gipagawas nga advisory sa maong buhatan, gikabutyag nga ang nasangpit nga lakang gipatuman aron kapugngan ang pagkuyanap sa Covid-19. Ang mga kliyente nga mokuha ug LTP gimandoan sa pag-adto sa DA Quarantine Office-Cargo Station nga nahimutang sa Francisco Bangoy Airport gikan alas otso sa buntag hangtud alas singko sa hapon.
Sa mga kliyente usab gawas sa siyudad sa Davao mahimong mangayo ug LTP ngadto sa Provincial Fisheries Offices sa Mati City Davao Oriental, Digos City, Malita, Nabunturan ug Tagum City.
(Source: BFAR XI)
