Ang pag gamit sa drones atol sa mga kalihokan sa Higalaay Festival sa Cagayan de Oro panahon sa pagsaulog sa Kapistahan niini sa Agosto 28, 2018, i-regulate. Matud pa ni P/ Supt. Mardy Hortillosa II, spokesperson sa Cagayan de Oro City Police Office (COCPO) nga ilang kontrolahan o limitahan ang pagtugot sa pagpalupad sa mga drones aron sa pagcover sa mga kalihokan sa fiesta sama sa civic military parade, fluvian procession ug uban pa diin kini maoy mga core events sa Higalaay Festival.
Gisugilon usab ni Hortillosa nga adunay us aka libong mga police personnel ang i-deploy atol sa parade, wa pay labot niini ang pwersa sa Armed Forces of the Philippines nga naglangkob sa Task Force Oro.
Aduna na puy grupo sa mga police nga gitahasan aron sa pagcontrol sa mga drones nga pagatugtan.
Sa pagka karon, nahan-ay na ang pagpatuman sa seguridad atol sa Higalaay Festival sa syudad, Gani pa man, mas strikto karon ang pagpahigayon sa mga checkpoints, apil na ang mobile patrolling ug intelligence monitoring ilabi na kay nagkaduol na ang kapistahan sa CDO.