Iriga City—Pinag-eebalwar pa kan Departament of Agriculture- Bicol kun puiedi ng halion an pagbabawal sa pagbuno asin pagpabakal nin orig sa magkapirang banwaan sa rinconada area kan Camarines Sur.
Iyo ini an ipinahayag ni Ms. Aline Bravo, Municipal Agricultural Officer kan Baao, matapos na maka-olay kan Radyo Ronda katakod kan grabe ng pagkalugi kan mga hog raisers digde.
Sigun sa saiya, hinahalat pa ninda an opisyal na resulta kan evaluation kan DA antes na tugutan an pagbiyahe kan mga orig asin pagbuno kaini, alagad inot ng ipinahayag kan Departamento na aabuton nin 40 dias kun mayo na soboot nin kaso kan ASF puedi ng ma-deklara na ASF Free an sarong lugar.
Sa rinconada area, saro sana an Baao sa igua nin kaso kan ASF kaiba an banwaan nin Nabua asin Bula.
Sa presente, grabe na an inagrangay kan mga negosyantes asin konsumidor huli sa mahal na presyo kan gate price na mina-abot nan in 160 pesos an kada kilo kan live O buhay na orig. (OIC Melvin Barayoga)
Source: Interview with Ms. Aline Bravo from Municipal Agricultural Office Baao, CamSur