Nakakuriyat na puon pa kasuodmang hapon sa mga panginutan na sementeryo kan cuidad an mga yaon sa traffic management, Barangay polis, PNP, medical and emergency services personnel, mahihiling an mga ini sa atubangan kan mga sementeryo nakunsain nag aasiste sa mga motorista pati na sa mga tao na lowas laog nanagbisita sa puntod kan mga padangat ninda sa buhay.
Miyentrastanto nag paguirumdum an mga awtoridad bawal sa laog kan mga sementeryo an pagdara nin arak,kutsilyo nangorog na an ipinagbabawal na bulong arog kan droga. Katakod kaini iniibitaran man magkaproblema sa parking area kaya pati sasakyan ipinagbabawal sa atubangan kan mga sementeryo pati na mga para patiyenda.
Mantang binuktakan man nin barikada an tahaw kan tinampo paramas tawan buelo an mga taong naglalakaw asin mga sasakyan one-way pasiring sa centro, miyentrastanto 24 oras na mababad sa mga sementeryo an mga nakabantay na personahes kan operation center Ligtas Undas 2022.
Nakunsain naobserbaran na nagdadakol na an mga taong nagbibisita sa mga sementeryo dawa ngani nagpara uran uran kasuodma dara kan banta kan Bagyong Queenie. (Joey H. Lim)