Nagmalampusong natigayon ang pagbukas sa 18-day Campaign to End Violence Against Women kagahapong adlawa dinha sa City Auditorium ning dakbayan, kini sugdan Nobyembre 25 hangtod Disyembre 12 ning tuiga nga may temang ” Vaw-Free Community Starts With Me”.
Kini usa ka tinuig nga aktibidad aron sa pagpa-dumdum sa pag-bantay aron mahilikay ang mga kababayen-an sa mga pag-dagmal ug pag-pangabuso kay usa man kini ka national issue ug problema. Kagahapon sa pag-bukas sa mga aktibidad ubay-ubay ang mg partisipante nga naka-gikan sa nagka lain-laing mga line agencies, mga departamento sa probinsiya ug dakbayan ug mga pribadong ahensiya.
Sa maong higayon mipaabot si Mayor Ernesto Matugas sa iyang mensahe diin sentro ang pag-padumdum sa tanan nga may dakong responsibilidad sa pag-sumpo niining “violence against women” busa gikinahanglan ang pagpakabana sa tanang katawhan.
Sa kick-off sa 18-day campaign to end violence against women, usa sa nahimong mamumulong mao si Board Member Melva Garcia diin gi-paabot niini ang pipila ka mga giya sa mga kababayen-an aron maka-likay sa bisan unsang klaseng pag-pangabuso, usa na kini ang respeto sa kaugalingon isip babae aron respetohon sa uban.
