Umapela ang Makabayan Bloc sa Kamara na bigyang atensyon ng 18th congress ang isyu ng paglabag sa karapatang pantao.
Ito’y ayon kay Bayan Muna Rep. Carlos Isagani Zarate, kung saan isiniwalat nito na marami silang inihain na resolusyon hinggil sa paglabag ng pamahalaan sa karapayang pantao ngunit bigo ang mababang kapulungan ng kongreso na aksyunan ang mga ito.
Samantala, sinabi naman ni ACT Teachers Rep. Antonio Tinio na wala ring isinagawang malalimang imbestigasyon ang kamara sa 17th congress hinggil sa mga extrajudicial at political killings.