Pagadian: Usa patay, 2 ka angkas kritikal human sa nahitabong aksidente taliwala sa hi-ace van ug single motor didto sa Brgy. Culo

0
285

Molave, Zamboanga del Sur – Patay ang driver sa single motor ug 2 ka angkas ang kritikal human sa nahitabong aksidente taliwala sa Hi-Ace Van ug Single Motor didto sa Barangay Culo, Molave Zamboanga del Sur dungan sa paghaguros sa makusog nga ulan, Hwebes Abril 7 2022.

Visit RPN DXKP Pagadian

Basi sa impormasyon sa kapulisan nga ang maong Hi-Ace Van nagagikan kini sa Sicayab, Zamboanga del Norte padulong pauli sa Eastern Bobongan, Ramon Magsaysay nga gipamaneho ni Vicente Lumin Rama Jr. ug ang single motor gikan sa Molave padulong pauli sa lungsod sa Dumingag nga gimaneho usab ni Jason Dangcalan kauban ang duha ka sakay niini nga sila Trisha Dangcalan ug Genevie Espatero parehong residente sa Upper Timonan, Dumingag.

Sumala sa report nga ang maong van nawad-an kini og control gumikan sa kadanlog sa kalsada tungod sa kakusog sa ulan nga maoy hinungdan sa pagtabok sa pikas bahin ug aksidenteng mibangga sa usa ka single motor nga maoy hinungdan sa pagkalagpot sa mga sakay niini og diretso kining mipasilong sa usa ka panimalay hinungdan usab sa pagkaangkon og mga bon-og sa tag-iya nga sila Marilou Montalla ug Fe Villamor.

Dali gilayon kini nga girespondihan sa mga rescue personnel sa MDRRMO kauban sa kapolisan sa Molave MPS og gidala sa balay tambalanan ang mga naangol.

Ug ang driver sa maong van boluntaryo usab nga misurender sa kapulisan og mag-atubang sa kasong Reckless Imprudence Resulting to Homicide and Multiple Serious Injury.

(Source: ZDS Press Bureau, photo courtesy of Igmat Molave)

Leave a Reply