Tulo ka bulan nga batang lalaki, patay samtang inahan ug lain pang duha ka mga biktima kritikal human gibanggaan sa bus ang gisakyan niining Bao-Bao sa Laguindingan, Misamis Oriental!
Kabsan sa kinabuhi ang tulo ka bulan nga batang lalaki samtang anaa usab sa talandugon nga kahimtang ang inahan niini ug lain pang duha ka mga biktima human gibanggaan sa bus ang gisakyang Bao-Bao karung hapon, Mayo 5, 2024.
Giila ang mga biktima nga managsamang residente sa Zone 2 Mauswagon, Laguindingan.
Samtang, nabali usab ang duha ka tiil sa driver sa Bao-Bao ug nakahiagom usab ug bone injury ang usa ka siyam ka tuig nga batang babaye.
Sigon sa taho, gikan matud pa nanimba ang mga biktima ug pauli na unta kini sa ilang panimalay, apan pag-abot sa downtown hill nga dapit sa Laguindingan terminal kalit lang gibanggaan sa bus ang Bao-Bao human nawad-an ug kontrol ang driver niini.
Sa pagkakarun, gikustodiya na sa Laguindingan Municipal Police Station ang driver sa bus ug gilaumang pasakaan ug patong-patong nga kaso.
(Source: Daily News Pagadian)