Nakaangkon ug lumping ang Rural Bus nga gipanag-iyahan sa RTMI human nakaengkwentro niini ang usa ka Wingvan kaganihang udto, Abril 16, 2024 sa Tankulan, Manolo Fortich, Bukidnon.
Sigon sa taho, paingon matud pa sa Cagayan de Oro ang naasoy nga bus sa dihang nakasugat niini ang maong wingvan nga kusog ang dagan sa kurbadahong bahin sa nasangpit nga dapit ug nikawat kini sa pikas lane hinungdan nga nabanggaan niini ang kilid sa bus.
Maayo na lamang nga abtik ra usab nga nakalikay ang driver niini ug wala ray natalang nakabsan sa kinabuhi gawas lang sa mga minor injuries nga naangkon sa mga sakay niini.
Nagpadayon pa karun ang gihimong imbestigasyon sa mga awtoridad labot sa nasangpit nga disgrasya. (Ernest Villariza)