Natugyan na sa kagamhanan sa siyudad sa Sugbo kagahapong adlawa Abril 15, 2024, ang duha ka condominium unit sa mga nidaog sa “Balik Eskwela PabakunaTa Extrabonanza.”
Dakong kalipay ug nagpasalamat ang duha ka mga bata sa ilang daog nga nadawat kay gawas nga luwas sila batok sa virus nakadawat pa gyud sila og premyo nga ilang ma puy-an.
Mismo si Cebu City Mayor Mike Rama ang ni turnover ngadto sa mga bata nga taga-Sudlon II ug taga-Pamutan ang ilang kada unit anaa mahimutang sa Urban Deca Homes Tisa Phase 2 sa Brgy.Tisa ning dakbayan sa Sugbo.
Mahinomduman nga gipahigayon ang grand draw sa “Balik Eskwela PabakunaTa Extrabonanza” niadtong Pebrero 24, 2024, atol sab sa pagsaulog sa ika-87 nga Charter Day kanus-a lakip sa grand prize ng duha ka units sa Deca Homes.
Tumong sa maong raffle aron ang mga bata magpabakuna og labing minos nakadawat sila og second dose sa bakuna batok sa Covid-19.
Samatang aduna sab hinuoy mga ganti sa raffle nga gilahi alang sa mga dagko nga nagapabakuna.
Uban usab sa mga bata nga nakadaog ang ilang mga ginikanan nga nalipay usab pag ayo sa nadaog sa ilang mga anak. (Renante Lada)
(Source: Cebu City PIO)