30.9 C
Manila
Friday, March 29, 2024

Pagadian: Pag Apod-Apod Og Marcotted Calamansi Seedlings, Gisugdan Na

- Advertisement -

Zamboanga del Sur – Miuli nga nagpas-an og tagsa ka bugkos (50 seedlings) nga marcotted calamansi seedlings ang 30 ka mga mag-uuma gikan sa 2nd District sa probinsya sa dihang gisugdan ang pag apod-apod niadtong nakalabayng adlaw, Oktubre 23, 2021.

Gilusad karong adlawa ang pinakabag-ong agricultural livelihood program sa probinsya nga inisyatiba mismo ni GOVERNOR VICTOR YU, mao ang paghatag og BINHE sa CALAMANSI nga LIBRE.

Gipangulohan mismo sa umaabot nga 2nd District Congresswoman VICTORIA YU ang pagtunol sa mga seedlings sa 1st Batch nga mga benepisyaryo, kauban sa Provincial Agriculturist Lindley Herrera, Provincial Calamansi Plant Technician Marden Laranjo ug mga CBF.

Atol sa pakighinabi ni OIC Provincial Agriculturist Lindley Herrera, ang pagpananom sa calamansi usa sa mga “rising” agricultural business karong panahon sa pandemya isip usa sa common source sa Vitamins C ang maong citrus fruit.

Gibutyag usab niya nga mas dako pa ang mahimong halin gikan sa abot niini kaysa sa humay ug mais.

Sa laing bahin, isip usa ka graduate sa natad sa akgrikultura, gihagit ni Governor’s Daughter ug future Congresswoman Victoria Yu ang mga benepisyaryo nga tagaan gayud og dako nga bili ang gihatag nga oportunidad sa gobyerno sa ilaha pinaagi sa ensaktong pag-amuma sa maong tanom, hangtod sa ilang pag-harvest, ilabina nga mahimo gayud kini nga dakong tabang sa ilang pamilya ug panginabuhian.

Kahinumdoman nga isip parte sa SUSTAINANBLE LIVELIHOOD PROGRAM, ang paghatag og libreng binhi gikan sa probinsya dugay na nga gisugdan sa Administrasyon Yu, gani pipila na ka mga mag-uuma ang nakapahimulos na niini.

Gawas sa calamansi seedlings, nauna na og apod-apod nga libre ang mga binhi sa lubi, falcatta ug cacao alang sa mga Zambosurian.

(Source: ZDS-Press bureau, photo courtesy of Victory Zamboanga del Sur)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -