Rinepkanen ti Ilocos Norte Youth and Development Office wenno INYDO iti panagawat ti aplikasyon dagiti nanggundaway iti Sirib Youth Scholarship Program iti probinsia.
Kuna ni INYDO Officer Mr. Willy Jake Sib At nga inkeddeng dan nga isardeng ti agawat iti aplikasion gapu ta adun dagiti nagaplikar babaen iti online.
Inlawlawagna nga umabut amin iti 1,570 ti bilang iti naawat dan nga aplikasion nupay 100 laeng iti pakpakauna a target da nga applicant’s para iti Sirib Youth Scholarship Program.
Inpalgak na a dinesisyunan ti Scholarship Committee a repkan iti panagawat dan ti aplikasion iti nasapsapa ngem ti naituding a deadline. Kunana nga amin a naaawat da nga application iti pginsiribscholarship@gmail.com ket dumalan iti paper screening ken background checking tapno ma determinar dagiti applicants no siasinno dagiti nasnasken a maiproseso ti aplikasion na.
Nupay kasta, impasigurado ti mangidadaulo iti INYDO ken ti gobierno probinsial kadagiti nagaplikar a saan a makapasa iti proseso ti scholarship na iti daytoy a semestre a maikonsidera da a maiproseso ti aplikasion da para iti sumaruno a semestre.
(Source: Provincial Government of Ilocos Norte)