Pagadian City – Arestado sa gihimong Drug Buy Bust Operation ang duha ka suspetsado sa pagpayuhot sa drogang shabu nga gikasa sa hiniusang pwersa sa RDEU-9 nga gipangunahan ni Police Lieutenant Dominic Dalena, kauban ang RID-9 nga gipunoan usab ni Police Lieutenant Dexter Dalena, Station Drug Enforcement Team sa Pagadian City Police Station og ang 902nd RMFB9 sa may Port Inn, Airport Road , Barangay Tiguma, Pagadian City.
href=”https://rpnradio.com/dxkp-pagadian/”>Visit RPN DXKP Pagadian
Ang mga suspetsado naila nga sila JOSHUA MALUTO TUBIGON a.k.a. YOJ 30 anyos, minyo, usa ka motorcycle mechanic og residente sa Purok Nangka, Barangay Lenienza, Pagadian City ug si PFC NIGEL JOHN DELA ROSA OBUYES, 28 anyos, ulitawo, myembro sa AFP nga nadestino sa Headquarters Service Battalion, 1st Division, Pulacan, Labangan, Zamboanga del Sur og residente sa Purok Tagudtud, Brgy. Dapdapan Sapian, Capis, og usa ka High Value individual.
Atol sa operasyon nakumpiska gikan sa duha ka suspect ang ang tulo ka pakete sa shabu og usa ka gihimong sandayong nga foil nga adunay drogang shabu nga mukabat sa 1 ka gramo og mubalor sa 6,800 ka pesos ang market value niini.
Nakumpiska usab gikan sa duha ang usa ka cigarette foil nga gihimong putos sa droga, usa ka itom nga sling bag, tulo ka Personal Identification Card nga gipanag-iyahan sa duha ka suspect, Usa ka blue lighter nga adunay improvised alluminum foil needle, usa ka libo ka pesos isip buy bust money ug usa ka unit sa MT15 black/gold combination yamaha single motorcycle nga walay plaka.
Hisayran nga ang maong mga nakumpiska ang dal-on sa ZSSPO Provincial Forensic Unit alang sa quantitave og qualitative nga examination. Samtang ang duha ka dinakpan ang temporaryo nga e-detina sa Pagadian City Police Station lock up celllocated alang sa tukmang desposasyon. (Wendel Cabrera, photo courtesy of PDEU9)