Zamboanga del Sur – Duha ka magkalaing buy bust operation sa Zamboanga del Sur ang gikasa sa hiniusang drug buy bust operation sa mga personahe sa ZDSPDEU,1stZSPMFC, PIU-ZSPPO, RIU, ZDSMARPSTA ug JOSEFINA MPS headed by PLT. MARK LOU CABALUNA ubos sa koordinasyon sa PDEA9 ang usa ka ANGELO MACAN BENETIZ, 18 anyos, ulitawo residente sa Purok Madasigon, Brgy. Gumahan, Josefina, Zamboanga Del Sur.
Atol sa gi pahigayon nga drug buy bust operation, alas 4:30 ang takna sa kahaponon kagahapon adlawa, April 22, 2022, nakuhaan kini ug 3 ka sachet nga gi ilang shabu (estimated cost of ₱ 1,800) ug marked money nga ₱ 500.00.
Nasayran nga ang maong suspetsado dugay nang gi monitor resulta sa iyang pagkasikop ug pag atobang sa kalapasan sa Republic Act 9165. Anaa na karun sa Josefina Municipal Police Station ang suspetsado alang sa tukmang disposisyon.
Sa pikas nga bahin, sikop sab ang usa ka fish vendor sa Brgy. San Pedro nong dakbayan, kagahapon April 22 2022.
Ang suspek giila nga si Harley Bongquiao Dimasuhid, 24 anyos, lumulopyo sa Upper Laperian, Ramon Magsaysay, Zamboanga del Sur. Nakuha kaniya ang duha ka pakete sa shabu ug 500 peso bill isip buy-bust money.
Ang dinakpan ang anaa na karon sa kustodiya sa kapulisan alang sa tukmang disposisyon. (Bingo Villahermosa, photo courtesy of ZDS-PDEU9)