Nagbuy-od ug naligo sa kaugalingon niyang dugo kining usa ka 37 anuos na babaye human giulo og pusil patay sa wala mailang suspetsado karon lang gabii Marso 24, 2024 sa Corrales Extension, Cagayan de Oro City. Giila kini nga si Lenny Tangga, 37-anyos babae ug taga Claveria, Misamis Oriental. Adunay ka live-in partner ug mga anak. Karon nag Puyo sa Corrales Extension tungod kay ang iyang nabana naay Boarding house sa maong lugar. Gi Butyag nga dunay lalaking naka itum nangutana ug pila ang abang sa Boarding house apan kalit lang kini namusil.
Base sa initial nga imbestigasyon nga sakay sa motorsiklo ang suspek ug giingon’g nag-inquire kini og boarding house sa biktima apan kalit lamang kini’ng gipusil.
Matud ni Police Station 5 Macabalan Commander Police Major Rutherford Ondin nga padayon nila’ng gipalawman ang imbestigasyon hinungdan nga dili pa nila mapiho ang motibo sa pagpamusil.
Samtang, gibutyag ni Rudy Robles, live-in partner sa biktima nga nahinabi sa common-wife ang suspek ug giingong misulti kini nga taga Surigao ug nangita’g boarding house tungod nagtrabaho ang asawa sa usa ka dakong mall ning ciudad.
Hinungdan nga gipasagdan ang live-in partner nga mi-entertain sa suspek ug misulod sa lawak apan dili lamang dugay nakadungog kini og hinay nga buto.
Gilayon nila kini’ng gisuta ug nakita na lamang nga nagbuy-od ang asawa nga nabulit sa kaugalingong dugo daplin sa dalan.
Ang mga kapulisan nagpadayon pa karun sa pag imbestigar kung unsa ang motibo sa pagpamusil pataykaron panahona. (Ernest Villariza)