General Santos: P25 million nga kalsada gikan sa Sarif Mocsin, Baluan padulong sa highway gisugdan na

General Santos City – Nagsugod na ang construction sa dalan gikan sa Sarif Mocsin padulong sa Asinan, Buayan sa kantidad nga P25 Million.

Sumala kay Kapitan Dennis Besa nga ang proyekto iya sa taga Department of Public Works and Highways kon DPWH pinaagi sa Congressional Office. Ang Phase 1 nagsugod na ug kon makompleto ang plano maabot gayud sa National Highway sa Buayan ang sementado nga dalan.

Gumikan sa mao nga proyekto sa karon pa lang nagapasalamat na ang mga residente sa Sarif Mocsin. Sumala kay Ellen Barientos nga nalipay siya sa maong proyekto, ang iyang sugyot nga human sa dalan himoan ug kanal aron dili maadto sa ilaha ang tubig baha sa tag-ulan.