Pagadian City – Arestado ang usa ka Encoder homan kini mapalitan sa Police Asset sa ginadiling drogang shabu, sa gikasa Drug Buy-Bust Operation sa hini-usang pwersa sa kapulisan nga gipangulohan sa Provincial Drug Enforcement Unit – Zamboanga Sur Provincial Police Office nga gipamunoan ni Police lieutenant David Amil Pintado, Chief PDEU, kauban ang Tambulig MPS, 902nd RMFB, 1ZSPMFC, Pagadian City Police Station sa may Zone 3, Purok Mahigalaon, Barangay Bulatoc, Pagadian City. Ang dinakpan naila nga si Abdul Mohaimen Montaner Marcaban, usa ka bag-ong naila nga gapayuhot sa drogang shabu, 31 anyos, minyo ug residente sa Urban Poor, Barangay Bulatoc, Pagadian City, Zamboanga del Sur.
Matud ni Abdul Marcaban nga igo ra sya magpasugo ug palit sa moang droga sa usa ka fishcar nga gikan Zamboanga, ug gilimod niini nga wala siya nagabaligya sa Drogang Shabu. Atol sa operasyon nakumpiska gikan sa iyang posesyon ang duha ka gagmay nga pakete sa shabu nga mukabat sa 0.08 gramos ug mubalor sa ₱ 544.00. nakumpiska usab ang usa ka ₱ 500.00 isip mark money. Samtang ang dinakpan ang gidala sa ZSPDEU ug temporary kining nakadetina sa Pagadian City Police Station-lock Up cell alang sa tukmang desposasyon.
(News and photos courtesy of PDEA Zamboanga del Sur)