Pagadian City – Sikop ang duha ka suspetsado homan kini mapalitan og Drogang Shabu sa Police Asset, sa gikasa nga Drug Buy-Bust Operation sa hiniusang pwersa sa ZSPDEU sa pagpangulo ni Police Major JULIETO DELA CRUZ ASENIERO kauban ang 1st ZSPMFC, PIU-ZSPPO og ang Pagadian City Police Station pina-agi sa coordination sa PDEA-9 sa may Purok Bayabas, Lumbia, Pagadian City.
Ang duha ka dinakpan naila nga sila RICKY POSPOS TORIBILLAS, kanhing naaresto atong tuig 2019, 30 anyos, ulitawo usa ka driver og residente sa Purok Sweetrose, Dumagoc, Pagadian City og usa ka SONNY HUSSEIN SUMAEL, bag-ong naila nga gapayuhot sa drogang shabu, 31 anyos, ulitawo, driver og lumolupyo sa Purok African Daisy, Barangay Santiago, Pagadian City.
Atol sa operasyon nakumpiska gikan sa mga suspect ang usa ka gamay nga pakete sa shabu og laing upat ka pakete sa shabu nga mukabat sa 0.40 gramos og mubalor sa 1,800 ka pesos ang market value niiini, nakumpiska usab ang usa ka kenentos pesos isip mark money.
Matud pa nga ang mga nakumpiska ang giturn-over sa Zamboanga del Sur Provincial Forensic Unit alang sa examinasyon. Samtan ang mga dinakpan ang temporaryo nga nkadetina sa Pagadian City Police Station lock-up cell alang sa tukmang desposasyon. (Wendel Cabrera)
