- Advertisement -
Doble-kayod ang Department of Public Works and Highways (DPWH) para i-convert ang Philippine International Convention Center (PICC) Forum Tent bilang COVID facility para sa mild to moderate cases ng coronavirus disease 2019 (COVID-19).
Sinabi ni DPWH Secretary Mark Villar na kailangang madaliin ang paggawa ng health care facilities dahil tumaas ang bilang ng mga bagong kaso ng COVID-19 at para mapaluwag ang mga nagsisiksikang ospital sa Metro Manila at mailaan ang mga hospital bed para sa malalalang kaso.
Magtatayo rin ng anim na pasilidad sa labas ng PICC Forum tent para sa medical personnel na gagamot sa mga pasyente.
Bukod sa PICC, tuloy din ang trabaho sa Rizal Memorial Coliseum at World Trade Center.
- Advertisement -