“P500 graduation fee, ibalik sa mga ginikanan”, SDS flores

Gimanduan karon ni Schools Division Superintendent Romelito Flores sa Dep ed Gensan ang pamunuan sa Lagao Central Elementary School ning syudad sa Gensan nga iuli ang gipangkolekta nga 500 pesos sa tanang graduating students sa maong tunghaan. Matud pa ni Flores nga miabot sa iyang buhatan ang reklamo sa mga ginikanan nga nangolekta matud pa ang maong tunghaan sa graduation fees bisan pa man sa iyang kamanduan nga hugot kining gibawal sa nasampit nga labaw sa dep ed. Apan gipaklaro ni Flores nga pwede mo donate ang mga ginikanan sa graduation apan gikinahanglan mopirma ug deed of donation. Samtang gipakansela usab ni Flores ang nakatakda unta nga graduation activity sulod sa SM mall of Gensan sa maong nasampit nga eskwelahan. Samtang gi obligar karon ang tanang school principal nga ibutang sa ilang transparency board sa eskwelahan ang budget sa MOOE kon Maintenance and other operational expenses aron masayod ang mga estudyante ug mga ginikanan sa budget sa dep ed ug maoy papun an sa PTA kon parents teachers association nga gastuhanan sa eskwelahan. Subling gipahinumdum ni Flores ang PTA fees usa ka voluntary contribution ug dili compulsory. Mitubag usab sa mga pangutana ang FPTA President nga si Robert Dinggal ug FPTA board of director Benigno Berame Jr. may kalabutan sa pta fees nga voluntary ug aprobado sa majority sa mga ginikanan ang bisan unsang amutan ug bayronon sa PTA. Nasayran nga adunay p250 subsidy ang dep- ed sa matag graduating student nga gikuha usab gikan sa MOOE sa matag public elementary ug high school .