P10-M reward money para mahuli ang mga salarin sa pagpatay ng mga hukom, piskal, abogado — IBP

Nakahandang magbigay ng P10-M ang Integrated Bar of the Philippines (IBP) para sa mga informants sa mga kasong pagpatay sa mga hukom, piskal at abogado.

Naniniwala si IBP President Domingo Egon Cayosa na makakatulong ang reward money upang mahuli ang mga salarin.

Maaari rin anyang matakot ang mga bayarang gunman o sinumang may masamang plano sa mga hukom, abogado o piskal kapag alam nilang may otomatiko nang patong ang kanilang mga ulo.

Mula pa noong 1991, nasa 41 abogado na ang napapatay, 31 rito ay mga hukom.