Overseas voter registration sinuspinde ng Comelec

Pansamantalang sinuspinde ng Commission on Elections (Comelec) ang overseas voter registration para sa May 22 elections.

Ayon kay Comelec Commissioner at Office of Overseas Voting Commissioner-In-Charge Rowena Guanzon, ang naturang hakbang ay para matiyak na ligtas ang mga Pilipino sa ibang bansa sa coronavirus disease 2019 (COVID-19).

Una na aniyang nag-abiso ang mga embahada sa ibang bansa na isuspinde ang voters registration.

Samantala, tiniyak naman ni Guanzon na magpapatuloy ang overseas voter registration oras na tuluyan nang mawala ang COVID-19 sa iba’t-ibang bansa.