CAGAYAN DE ORO CITY- Si City Mayor Oscar Moreno nagmando sa tanang diagnostic ug laboratory centers sa syudad sa Cagayan de Oro sa pagkonsulta ug coordinate sa City Health Office o Department of Health sa dili pa magpahigayon sa rapid test procedures sa mga kliyente niini.
Ang maong kamanduan nag-ingon nga ang tanang diagnostic ug laboratory center sa syudad nga mopailawom sa rapid testing procedures nga kinahanglan mosubmitar sa resulta sa ilang tests ngadto sa City Health Office alang sa impormasyon ug tukma nga aksyon. Kadtong mga diagnostic ug lab centers nga makalapas sa maong kamanduan ang mag-atubang sa cancellation sa business permits.
Matud pa sa otoridad, ang rapid testing dili lang igo, nagkinahanglan pa sa confirmatory test pinaagi sa realt-time reverse transcription-polymerase chain reaction test. Dinhi sa Northern Mindanao, alang Northern Mindanao Medical Center o NMMC ug DOH TBRC mahimong moconduct sa RT PCR testing. Sa higayon nga ang usa ka individual mapositibo sa rapid test o RT-PCR, ang city government mopailawom sa risk assessment.
Ang asymptomatic cases pagadalhon sa isolation units sa syudad nga gidumala sa mga health professionals samtang kadtong nagpakita sa sintomas ang pagadalhon sa Emerging ug Re-emerging Infectious Disease ward sa NMMC.