CAGAYAN DE ORO CITY- Ang Police Regional Office (PRO)- Northern Mindanao misang-at sa 462 ka mga kaso bato sa mga violators sa curfew ug sa uban pang balaod nga gipatuman atol sa quarantine period. Gikan sa Marso 17 hangtud Hunyo 15, adunay moabot sa 4,260 ka mga violators ang napahimangnuan, 1,501 ana namultahan, 128 ang naaresto ug 106 ka mga kaso ang nasang-at nga kaso tungod sa curfew violations lamang.
Ang PRO data, nagpakita usab nga adunay 385 ka mga tawo ang naaresto tungod sa disobedience, 73 ka mga tawo ang napasakaan sa sumbong tungod sa overpricing o profiteering ug 365 ka uban pang kaso ang gisang-at tungod sa nagkalain-laing violations sa balaod ug ordinansa atol sa quarantine period.
Gitaho usab sa Northern Mindanao police nga sud sa maong higayon, 67 ka quarantine control points ang gi-established sa nagkalain-laing provincial ug regional boundaries sa rehiyon samtang 649 ka mga personahe ang gi-augment sa nagkalain-laing syudad ug probinsya aron sa pag-intensify sa community patrol ug pagseguro sa public safety.
Nalista usab sa kapolisan ang moabot 12,691 ka travel authority nga na-issue ngadto na sa locally stranded individuals.
Sa gihapon nagdasig ang kapolisan ngadto sa komunidad sa pagpabiling magpuyo sa ilang pinuy-anan kon walay mga importanteng transaksyon sa gawas.