Dandani nagtriple ti naituding a bilang dagiti benepisiario ti Rice Farmers Financial Assistance wenno RFFA Program.
Segun ken ni Provincial Agriculturist Mrs. Norma Lagmay, manipud iti naituding a bilang a sanagpulo ken siam a ribu siam a gasut duapulo ket pito a mannalon ket nagbalin a limapulo ket dua gasut sangpulo ket innem a mannalon.
Imbatadna a daytoy ket babaen iti panangkeddaw ni Senador Imee Marcos iti Departamento ti Agricultura.
Mainaig iti daytoy, napalaus ti ragsak ni Gob. Matthew Marcos Manotoc iti kaadu dagiti mabenipisiaran a mannalon ditoy probinsia iti tulong ti ina na a senador ken dati gobernador ti probinsia.
Inlawlawagna a dagiti benepisiario ket maipaayan ti saglilima ribu a pisos kas tulong tapnomaalay-ayan ti rigat nga iabakbaklay dagiti mannalon gubuay ti nalaka a presi ti irik.
Segun kenni Lagmay iti agdama ket umaboten iti dua ribu uppat a gasut innem a pulo a mannalon ti immawat iti nasao a tulong manipud iti Pinili, Laoag City, Bacarra, Solsona ken Badoc
Innayonna a maisaruno dagiti mannalon kadagiti dadduma nga ili ken suidad ditoy probinsia.