Sumala pa ni Nenita Loayon, Secretary sa Sangguniang Panlungsod nga gipirmahan na ni Mayor Ernesto Matugas Jr. ang maong ordinansa niadtong Enero 16, 2020. Apan duna pay 15 ka adlaw ang hulaton human kini ma-publish sa newspaper.
Sa pagkakaron naghanap pa an syudad kon asa na local newspaper ang mo publish sa ordinansa.
Kahinumduman niadtong Enero 14, 2020 napasar sa 3rd and final reading an ordinance no. 422 series of 2020 “AN ORDINANCE REGULATING THE USE OF HELMETS, BONNETS, MASKS AND OTHER SIMILAR HEADGEAR FOR MOTORCYCLE RIDERS PLYING THE CITY STREETS AND VARIOUS BARANGAYS OF THE CITY OF SURIGAO AND FOR OTHER PURPOSES.
Sa section 3 sa ordinansa tagdili sa mga motorcycle driver or rider or pedestrian an paggamit nan bonnet, mask o sampong sa wayong aron dili makilay-an samtang kini magsuruy-suroy sa mainland barangays sanan mga kalsada sa Surigao City. Waya tagbawal an paggamit sa medical masks kon dunay medical or health reasons.
Sa section 4 tagregulate an paggamit sa helmet nga kinahanglan maklaro an wayong sa driver or rider. May katungod usab an mga police o traffic enforcers sa pagsusi sa wayong sa driver o rider labina kon kini nakahimo nan krimen.
Sa section 5 nakalatid an penalty sa unang paglapas na multa P1,000; ikaduhang paglapas P2,000; ikatulong paglapas P3,000 sanan an ikaupat na paglapas mabilanggo sa dili mosubra sa unom ka buyan sanan may multa na P5,000 ingon man pagkanselar sa lisensiya sa driver. (RPN DXKS)