35.8 C
Manila
Wednesday, April 24, 2024

Ordenansa Nga Nagdili Sa Videoke Sa Residential Area Apribado Na Sa Konseho

- Advertisement -

Davao City –    Gi-aprobahan na sa ikatulong ug katapusang pagbasa sa 19th Davao City Council ang sugyot nga pagpahamtang og silot sa mga mag-videoke sa mga residential areas.

Giduso ni Konsehal Jessica Bonguyan ang ordinansa aron masiguong dili ma-distorbo ang mga estudyante ug mga trabahante nga anaa sa ilang panimalay karong panahon nga COVID-19 pandemic nga wala pay face-to-face nga klase ug daghan ang naka-work from home.

Una ng gibutyag sa opisyal, daghan kini nadawat nga reklamo gikan sa mga ginikanan, magtutudlo ug sa mismong mga estudyante nga dili sila maka-concentrate sa ilang pagtuon tungod sa kasaba sa mga silingang mahilig mag-videoke.

Ilawom sa ordinansa, hugtanong ginadili ang paggamit og videoke gikan alas 7 sa buntag hangtod alas 5 sa hapon, gikan Lunes hangtod Sabado. Exempted niini ang adlawng Domingo, o kung dunay special o regular holidays ug ang sa mga lehitimong KTV establishments.

Ang mga malapason sa maong balaod posibleng makamulta og ₱ 1,000  sa first offense, ₱ 3,000 sa second offense ug ₱ 5,000 sa third offense o pagkakulong mga mu-abot sa tulo ka adlaw o community service.

Gitahasan usab ang mga opisyal sa barangay nga maoy mupatuman sa ordinansa ug posibleng ma-isyuhan og citation ticket ang mga malapason niini.

Duna usab “no contest provision” sa ordinansa, diin mamahimong dili pasakahan og kaso ang nadakpang malapason nga dili na buot i-question o i-contest ang silot ug andam nga mubayad o magpahigayon og community service.

Apan, ma-avail lamang sa usa katawo ang “no contest provision” sa usa ka higayon.
(OIC Michael Manguhig, RPN DXKT Davao)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -