Cebu City – Mopahigayon na kada gabii ug “Oplan Bulabog” ang Cebu City Police Office operations sa specific nga lugar sa syudad aron pag discourage sa mga tawo nga mogawas panahon sa kagabhion, ug aron pagpakgang sa pagkatap sa Covid-19.
Matod ni Police Lieutenant Colonel Wilbert Parilla, CCPO deputy city director for operations nga ang mga personnel sa ilang headquarters ipadala ngadto sa barangay aron pag augment sa police visibility sa mga lugar sa station 5 ug 6 nga mao ang Barangay Ermita ug Sawang Calero.
Ang presensya sa uniformed cops atol sa kagabhion gi expect nga maka menus sab sa mga shooting incident sa syudad.
Kaniadto gipahigayon ang Oplan Bulabog atol lang sa weekends, apan karon, suma pa ni Parilla, ila nag ipahigayon matag gabii.
Gisugdan nila kini niadtong Lunes, Hulyo 20, 2021.
Karong bag-o mibalik na sab pagsaka ug mga kaso sa Covid-19 nga motala ug tag 3-digit.
Nagtoo ang taga City Health Office nga gumikan kini sa mga tapok tapok sa mga tawo sa syudad. (Jhon Tadlip)
(News & photo courtesy of Cebu City Police Office)
