Cebu City– Nanawagan karon sa kagamhanan sa Syudad sa Sugbo ang duha ka environmental groups nga sulbaron na ang gihulagway nga “garbage crisis.”
Mipadala sa ilang suwat ang Ecowaste Coalition ug ang Philippine Movement for Climate Justice ( PMCJ) ngadto kang acting Mayor Michael Rama ug ni Mayor Edgardo Labella, kinsa nag medical leave; tumong sa grupo nga mapaabot ang ilang concern labot sa nagka grabe nga problema sa basura.
“The garbage pileup in the private transfer station in Barangay Inayawan, the stench that reaches parts of neighboring Talisay City, and the subsequent issuance of a Cease and Desist Order (CDO) to the transfer station effective July 7, 2021, by the Environmental Management Bureau (EMB)…remind us that there is more to ecological solid waste management than collect and haul waste for disposal,” tipik sa ilang suwat ngadto sa mga opisyal sa syudad.
Gihisgutan sa maong suwat nga dili kini ang unang higayon nga gitawag ang attention sa syudad labot sa panginahanglan nga masulbad na ang krisis sa basura.
Niadtong 2019, ang Commission on Audit (COA) mitawag sa atensyon sa syudad gumikan sa kapakyas niini pag come up ug approved 10-year solid waste management plan.
Ang samang obserbasyon gisubli pag mention sa 2020 Audit Report nga nalakip isip audit deficiencies nga i comply pa sa syudad.
Gi-awhag sa environmental groups ang mga opisyal sa syudad alang sa dinaliang pag revisit sa draft labot sa 10-Year Solid Waste Management (SWM) nga hangtud karon wala pa ma aprobahi.
Ang SWM plan sa syudad sa Sugbo magsilbi kini nga giya sa pag achieve sa solid waste avoidance ug volume reduction ug sa pagbutang ug emphasis labot sa pangihanglan sa implementasyon mahitungod sa feasible re-use, recycling ug composting programs.
Boot sa duha ka grupo nga i convene ang Barangay Solid Waste Management Committee (BSWMC) sa 80 ka mga barangay aron maka umol kini ug solid waste management program subay ug haum sa 10-Year SWM sa syudad.
Sa ilang suwat, ang Ecowaste Coalition ug PMCJ nagkanayon nga mamahimong maka tap ang syudad sa Local Government Support Fund nga dunay estimated allocation nga P51 million labi na sa pagbutang ug Materials Recovery Facility sa upat ka pilot barangay.
Gihimong ehemplo ang Barangay Kalunasan nga naka submit na sa ilang proposal pag gamit sa ilang pahat sa LGSF, aron maoy gamitong pondo pagtubang ug MRF sa Osmena Shrine ubos sa co-management arrangement tali sa Cebu City Government.
“The longer we continue with this failed approach, the bigger the financial cost for the city and the heavier the environmental and health impact it brings to our citizens, starting at the barangay collection points, continuing along routes that garbage truck traverse, until final disposal where host communities such as Barangay Binaliw residents bear the burden of land, air, and water pollution,” matod pa sa environmental groups. (Jhon Tadlip)
(Source: Ecowaste Coalition | Philippine Movement for Climate Justice, photo courtesy by Kirk Bryan Jaca Repollo)
