Malapit nang magsimula ang operasyon ng third telecommunications player sa bansa ang Mislatel Consortium.
Ito ay matapos na kumpirmahin ni Department of Information and Communications Technology Acting Secretary Eliseo Rio Jr na makukuha na ng Mislatel ang certificate of public convenience and necessity sa Hulyo 8.
Ayon kay Rio, kasama rin na makukuha nito ay ang kanilang permit to operate, authority to operate at frequency.
Sa ngayon aniya ay nagsisimula na rin ang Mislatel sa konstruksiyon ng mga cell sites at iba pang telecommunication infrastructure na kinakailangan sa kanilang oeprasyon.
Positibo si Rio na sa Oktubre ay tatangggap na ang Mislatel ng mga subscriber habang sa Nobyembre ay magkakaroon na ito ng signal.