29.6 C
Manila
Friday, April 19, 2024

Opening Program Sa National Science And Technology Week 2020, Nagmalamposon

- Advertisement -

Gipangunahan sa DOST region 12 sa liderato ni OIC- Regional Director Sammy Malawan ang opening ceremony sa pagsaulog sa National Science and Technology week 2020 , regional celebration sulod sa Green leaf hotel ning syudad sa GenSan,  Nov. 26 -27,2020  nga adunay tema “ Agham at Teknolohiya : sandigan ng kalusugan , kabuhayan , kaayusan at kinabukasan . Si OIC- Regional Director Malawan maoy mihatag sa welcome remarks ug nagpasalamat sa daghang mitambong sa maong kalihokan sa nagkadaiyang lugar sa rehiyon dose samtang si GenSan City Mayor Ronnel Rivera usab mihatag sa iyang pag abi-abi sa mga bisita ug pagtisipante sa maong event via audio /video  ug nagpadayag sa iyang suporta sa mga programa sa DOST 12 .Samtang mga mensahe sa pagsuporta usab ang gipadungog gikan kang Senator Manny Pacquiao , Congresswoman Shirlyn Banas Nograles , Congressman Joselito Sacdalan sa North Cotabato , Cong. Jose Tejada , Cong. Rudy Caoagdan .Pipila ka mga opisyal usab nga mihatag sa mensahe via online mao sila South Cotabato Governor Reynaldo Tamayo Jr. , Cotabato Provincial Governor Nancy Catamco , Mayor Eliordo Ogena sa Koronadal City.

Atol sa press conference mitambong isip panelist via zoom si DOST Secretary Fortunato dela Pena human kini nagpahigayon usab sa iyang keynote speech . gipresentar niini ang programa sa DOST kon Department  of science and technology susama  sa SET UP kon diin ang daghan nga nahimong beneficiaries ang natabangan ug napalambo ang ilang nagkadaiyang negosyo ug industries pinaagi sa paghatag ug financial assistance aron mapalit ang gikinahanglang makinarya alang sa production . Gipresentar usab ang Kablon farm as regional and national awardee . gipresentar usab ang mga scholars ug graduates with Latin honors ug ang awarding of youth excellence in science  medals.

Atol sa presscon nahisgutan usab ang kabahin sa technology transfer alang sa mga lugar nga ELCAC beneficiaries kon National Task force to End Local Communist Armed Conflict. Hasta nag hybrid road train project sa DOST nga gibutang sa GenSan ang napangutana ug gitubag sa DOST nga tungod nga wala kini napahimuslan sa GenSan posibleng ibalhin kini sa North Cotabato.

Ugmang adlawa sa ikaduhang adlaw, gilauman nga motambong si GenSan City Mayor Ronnel Rivera ug uban pang dignitaries ug hisgutan ang mga importanteng  butang may kalabutan sa programa sa DOST aron makatabang sa pagpalambo sa region 12 . Si Cathy Apelacio OIC – PIA Regional Director 12 maoy nahimo moderator sa gipahigayon nga presscon.
(Roniel Degorio, RPN DXDX GenSan)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -