27.8 C
Manila
Thursday, April 18, 2024

Online Activities Himuon Pagsaulog Sa 41st Lanzones Festival

- Advertisement -

Preparado na ang tanan sa probinsya sa Camiguin alang sa pagpahigayon sa 41st Lanzones Festival ugmang adlawa, Oktubre 18 diin ilusad ang nagkalain-laing kalihokan pinaagi sa online. Matud pa ni Camiguin Governor Jurdin Jesus Romualdo atol sa Talakayan sa PIA nga ugma man tuod magsugod ang mga kalihokan apan matag adlaw adunay himuong activity nga diin naa nay gitakdang mechanics alang niini.

Apil sa nag-unang online activities alang sa Lanzones Festival mao ang Handurawan Online Photo Contest, Buwahan Tiktok Challenge, Aggama Ki Ta Paksoy Design Competition nga adunay Cash prizes nga itunol sa mga nag-unang mananaog. Nag-awhag usab ang provincial government ngadto sa mga studyante sa maong probinsya sa pagsalmot sa Digital Cover Poster Design Contest nga aduany tema nga “Camiguin: Embracing the New Normal” ug daghanan pang ubang mga kalihokan kabahin sa harvest sa Lanzones karong tuiga, matud pa ni Gov. Romualdo nga sila malaumon nga makaharvest sa usa ka gatos ka libong (100,000) mga boxes nga tag baynte (20) kilos matag box o kahon. Kon itande sa nakalabay nga tuig, mas mikunhod karong tuiga gumikan sa daotan nga panahon.

Sa nasayran, ang lanzones sa Camiguin anaa gibaligya sa tag P15 matag kilo direktamente sa farmers ang pagpalit ug P30 matag kilo kon apilan kini sa packaging ug transportasyon ngadto sa merkado sa Camiguin. (Philippine Information Agency – X)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -