Iriga City — Nagpoon na ngunian na magdagsa an mga namamanwaan sa man lain lain na sementeryo asin kampo santo digde sa rinconada area, duwang simana antes an pistang kalag O undas.
Kadaklan sa mga nagpapasiring sa kampo santo, ini naglilinig asin nagpipintura sa mga nitso kan saindang mga namaaram ng mahal sa buhay.
Nanotaran naman an pagdakol kan mga nagtitienda nin kandila asin mga burak sa entrada kan mga sementeryo, sa ibong kan higot na patakaran na ipinapautob kan mga local na gobierno.
Magigirumduman na gabos na mga LGUs digde an nagpaluwas na nin amay na abiso na nagbabawal sa pagpasiring sa mga pampubliko asin pribadong sementeryo poon petsa 29 kan bulan na ini hasta sa Nobiembre 4, 2020. Katakod kan padagos na paglikay sa corona virus pandemic.
Pinaglalaoman pa an pagdakol kan mga tawo ngunian na simana mientras na igua na nin itinalaan na aldaw an lambang barangay sa pagpasiring ninda sa mga kampo santo asin sementeryo.
Ipinapasunod man an higot na pagbantay kan mga autoridad sa minimum health protocols arog kan pagsupong nin face mask asin face shield kasabay na kan 30% sanang capacity an tutugutan sa panahon na bukas pa an mga sementeryo. (OIC Melvin Barayoga, RPN DZKI)
(Source: LGU – Iriga)