30 C
Manila
Thursday, April 18, 2024

Numero tres ‘most wanted’ persona arestao na Zamboanga Sibugay

- Advertisement -

Maga autoridad ya puede aresta con el uno del maga “most wanted” persona na provincia del Zamboanga Sibugay.

Si Coronel Eduard Mallo, el director del pulisiya na provincia de Zamboanga Sibugay, ya nombra con el arestao most wanted persona como si Oscar Lasconia, sincuenta años el edad.

Asegun con Mallo cay con Lasconia ya puede aresta maga alas ocho treynta’y dos del Lunes denoche na su residencia na Purok tres, Barangay Lubing, Diplahan, Zamboanga Sibugay.

Asegun con Mallo cay si Lasconia amo el numero tres “most wanted” persona na municipio de Diplahan y tiene le pendiente orden de aresto po el crimen de “Grave Threats” con recomendao pianssa de treynta’y seis mil pesos.

El orden de aresto contra con Lasconia que tiene el pecha de Noviembre ocho año dos mil veinte dos ya sale desde el tribunal de Ipil, Zamboanga Sibugay. (B. Garcia)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -