Ya aresta el mga otoridad con el numero uno bien wanted persona na Mulondo, Lanao del Sur, asegun con el pulisiya.
Si Police Brigadier General Allan Nobleza, el director del pulisiya na rehyon otonomo, ya nombra con el arestao wanted persona como si Acmad Ali Tocal alias Itlog, legal el edad y residente de Barangay Cairatan, Mulondo, Lanao del Sur.
Asegun con Nobleza con Tocal ya aresta por medio de implementada del un orden de aresto del Sabado na Barangay Raya Balay, Mulondo.
Asegun con Nobleza cay si Tocal amo el numero uno bien wanted persona na municipio de Mulondo y teine le pendiente orden de aresto for el crimen de matansa que ya dale el un jusgado del ciudad de Marawi, Lanao del Sur, de Mayo 27, 2022.
Si Nobleza ya habla cay con Tocal ya lleba na quartel del pulisiya na Mulondo para el propio documentacion antes que ay entrega conele na concierne jusgado. (B. Garcia)
(Photo Courtesy of Lanao del Sur Provincial Police Office)
