NPA muling umatake sa Negros Oriental

Isa pang hacienda ang sinalakay ng nasa 50 miyembro ng New People’s Army o NPA sa bayan ng Manjuyod, Negros Oriental.

Sinunog ng mga rebelde ang nasa tatlong milyong pisong halaga ng heavy equipment ng Longa Hermosa Hacienda sa Barangay Santa Monica.

Ayon sa pulisya, nakatanggap sila ng sumbong na puwersahang pinasok ng NPA ang compound ng hacienda at tinutukan ng baril ang mga security guard na naka-duty.

Humihingi ng kalahating milyong piso ang mga rebelde bilang extortion money sa nakalipas na siyam na taon sa may-ari ng hacienda subalit hindi ito nakapagbigay kaya’t sinalakay ang naturang lugar.