Cagayan de Oro City – Ang health department nakasumada sa 2,235 Covid-19 infections sa nakalabay nga bulan sa entiro Northern Mindanao (NorMin) o 50% nga pagtaas kon itandi sa 1,396 nga kaso sa bulan sa Setyembre karong tuiga.
Na nakalabay nga adlaw, ang rehiyonal nga buhatan sa Department of Health nakatala sa 55 ka mga bag-ong kaso segun sa gibutyag atol sa ilang Covid-19 briefer diin ang gidaghanon mao ang nakapahimo sa cumulative count ngadto sa 5,115 sukad mihapak ang pandemic pito ka bulan ang nilabay.
Hinuon ang maong gidaghanon sa bag-ong infectious mas ubos sa rolling average nga 72 cases per day gikan niadtong bulan sa Oktubre diin adunay usa ka adlaw sa nakalabay’ng bulan nga adunay natala nga 150 ka kaso, pinakamataas kini nga nahitabo niadtong Oktubre 13 sa bulan sa Setyembre, ang daily average moabot sa 46 ka kaso.
Base gihapon sa DOH-10 briefers nagpakita nga adunay 1,142 Covid-19 patients ang nakarecover sa infections niadtong Oktubre nga maoy nakapahimo sa recovery rate niini nga moabot sa 58% sa intero rehiyon kon 2,975 gikan sa 5,115 infected persons ang na cleared gikan sa virus.
Sa pagkakaron, ang active cases sa rehiyon anaa sa Cagayan de Oro nga adunay 798, Bukidnon-483, Misamis Oriental-160, Lanao del Norte-78, Iligan-60 samtang ang Camiguin-37. (Department of Health -10)
