Alayon sa gihingusgan ug nagpadayong kampanya sa City Local Environment and Natural Resources Office (CLENRO) alang sa ensaktong paglabay sa basura, sugdan na karong bulan sa Abril ang ‘No Segregation, No Collection Policy’ sa Barangay Carmen ning syudad.
Kini human gilusad karong buntag ang information, education campaign o’ pagpahibalo ug rekorida sa tibuok barangay alang sa maong katuyoan.
Ang dry run sa ‘No Segregation, No Collection Policy’ sugdan sa Abril 5 hangtud Abril 21 sa tinguha nga mas maandam ang katawhan sa dili pa ang full implementation niini sa Abril 22, 2021.
Ang ‘No Segregation, No Collection Policy’ alayon sa City Ordinance 13378-2018 o’ Integrated Ecological Solid Waste Management Ordinance of Cagayan de Oro. (City Information Office)