28.9 C
Manila
Friday, March 29, 2024

“No Negative RT-PCR/Antigen Test, No Entry Policy” Ipatuman Sa Zamboanga Del Sur Sugod Karong Adlawa

- Advertisement -

Pagadian City – Sa tumong nga mapakunhod ang ihap sa mga kaso sa COVID-19, sugdan karong adlawa, September 12 ang mas gipahugtang pagbantay sa mga border checkpoints sa Zamboanga del Sur pinaagi sa pagpatuman sa “No Negative RT-PCR/Antigen Test, No Entry” Policy.

Sumala sa gipagawas nga Executive Order No. 2021-28 ni Governor Victor J. Yu, kinahanglan nga mopresentar og negatibong resulta sa RT-PCR/antigen test sulod sa 72 oras ang tanang APOR ug NON-APOR travelers nga mosulod sa probinsya, lakip pa ang uban pang rekwisitos sa pagbiyahe.

Ang Section 8 sa maong EO nagkanayon nga ang biyahe sa mga Authorized Persons Outside Residence (APOR) dapat konektado lamang sa ilang trabaho kun official business. Gawas sa RT-PCR/antigen negative result, kinahanglan mopresentar ang mga APOR og vaccination card/certification, officer/company ID, travel order gikan sa office head/employer ug travel itinerary nga pinirmahan sa office head/employer.

Alang sa mga NON-APOR, limitado lamang sa essential travel ang gitugotan sama sa mga returning residents, medical emergency, lubong sa miembro sa pamilya ug importanteng appointment sa mga panggobyernong opisina.

Alang sa mga returning residents, gawas sa negative RT-PCR/antigen test, ang mga gikinahanglan ipresentar sa border checkpoint mao ang vaccination card/ certification, ID nga nagpakita og proof of residence, ug local government unit acceptance.

Sa mga medical emergency travel, nakalatid sa EO nga kinahanglan ipakita ang mga musunod nga dokumento aron ma-akomodar ang pasyente nga gikan sa laing probinsya sa mga hospital dinhi sa Zamboanga del Sur: negative RT-PCR result; vaccination card; identification card ug confirmed hospital referral.

Labot sa burial kun lubong, tugotan lamang nga motambong sa lubong sa immediate family member ang gikan sa laing probinsya kung dili COVID-19 ang hinungdan niini ug ikapakita ang mga dokumento sama sa negative RT-PCR/antigen result, vaccination card ug ID nga dunay proof of residence.

Sa mga adunay importanteng appointment sa mga panggobyernong buhatan dinhi sa Zamboanga del Sur, kinahanglan ipresentar sa usa ka indibidwal ang musunod: negative RT-PCR/antigen result; vaccination card; ID nga dunay proof of residence ug proof of transaction sa concerned government institution.

Mahitungod sa travel monitoring, gimanduan sa bag-ong EO nga gamiton pa gihapon sa mga LGU ang travel management system nga S-PASS. Sa mga biyahero nga moagi lamang sa Zamboanga del Sur, kinahanglan mokuha sila og Travel Coordination Permit kung “restricted” ang lugar nga ilang adtoan samtang Travel Pass-Through Permit kung “unrestricted” ang lugar nga adtoan.

Sa gihapon, exempted kun walay labot sa travel restrictions ang pagtunod sa mga cargoes ug essential goods pasulod sa probinsya. Kinahanglan lamang ipakita sa mga personahe nga nag-deliver sa mga produkto ang mga dokumento sama sa company/identification card, goods pass/ business permit ug cargo manifest kun delivery permit.

(Source: ZDS-PPB, photo courtesy of Victory Zamboanga del Sur)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -