Unom ka mga pasyente sa makapatay nga virus nga Covid-19 ang nakarecover ug nakagawas na sa Northern Mindanao Medical Center, NMMC sa walo ka mga kaso nga nadala sa maong tambalanan.
Sukad niadtong adlawng Sabado, Abril 11, nagpabiling adunay usa na lamang ka Covid-19 patient ang naa karon sa NMMC, nga nagpanuigon ug 67 anyos, lalaki nga taga Tubod, Lanao del Norte nga nagpaabot pa sa resulta sa iyang repeat test. Sa kinatibuk-an , usa lang ang narecord sa NMMC nga namatay sa Covid-19 case, kadtong gi-identify nga patient 40, usa ka lalaking pasyente nga taga Lanao del Sur nga nakasinati usab sa complications gikan sa coronavirus disease.
Sa kabahin ni City Mayor Oscar Moreno, iyang gidayeg ang mga paningkamot sa maong tambalan ilabi na sa pagpakigbisog batok Covid-19. Siya padayong nag-awhag sa publiko sa pagpabiling magbinantayon ug padayong magpractice sa social hygiene ilabi na kay layo pa matapos kining pakig-away batok sa maong sakit.