Gilecturan sa kapolisan pinaagi sa film showing ang tanang nakasupak sa curfew niadtong Holy Week samtang ubos sila sa custodiya sa kapolisan. Matud pa ni Police Major Evan Viñas, ang spokesperson sa Cagayan de Oro City Police Office o COCPO nga adunay 92 ka mga indibidual ang nadakpan niadtong Huwebes Santo, Abril 9 samtang 69 niadtong Biyernes Santo. Sa pagka Sabado, mitotal tanan sa 1,913 ang mga curfew violator sa syudad.
Ang tanan nga mga nadakpan gitapok sa Barangay 40 covered court, atubangan sa COCPO Headquarters. Sila gipasabot makitungod sa COVID-19 pinaagi sa film showing sa wa pa sila tuguti sa pag-uli sa ilang pinuy-anan pagka alas says sa buntag sa pagkasunod adlaw.
Sa pagka karon, dugang pa ni Viñas nagpadayon ang pagpalig-on sa ilang pagpangdakop subay sa executive order nga nagpahimutang sa dakbayan ubos sa community quarantine, apil na sa Liquor ban.
